قارانلیق چؤکه جک بیزیم دونیایا
بو گئنیش دونیادا
هر کس بیر ایش گورجک
بیریسی اوداسیندا اوتوراجاق
و هر آخشام آیناداکی شیطانلا دانیشاجاق
بیریسی دیلی توتار توتماز
تلفونون او اوزونده کی سوگیلی سیله دانیشاجاق
ننه م ناماز قیلاجاق
آللاهدان گونشین گلمه سین ایسته یه جک
بالاجا قارداشیم حیطده توپ اوینایاجاق
آنام سولموش چیچکلره سو وئره جک
باجیم دونیانین بوتون عشق ماهنی لارین دینله یه جک
بو قارانلیق دونیادا
هر کس بیر ایش گؤرجک
من ایسه بو دونیانین
قارا اوریینه قیرمیزی بویا سپه جه یم
Hiç yorum yok:
Yorum Gönder